Digjet një banesë në Bulqizë, 3 vatra zjarri vijojnë të jenë aktive

Digjet një banesë në Bulqizë, 3 vatra zjarri vijojnë të jenë aktive

Një vatër zjarri u shfaq mbrëmjen e së enjtes në malin e Vajkalit, ne Bulqizë, ku si pasojë u dogj një banesë dykatëshe dhe një kasolle, ndërsa u rrezikuan disa shtëpi të tjera.

Për fat të mirë, nga zjarri nuk ka patur viktima, pasi banorët e shtëpisë së djegur nuk ndodheshin në banesë, por ishin larguar për pushime.

Kanë qenë banorët e zonës, që të ndihmuar nga zjarrfikësit kanë bërë të mundur izolimin e vatrës, në mënyrë që të mos përhapej tek shtëpitë e tjera.

Megjithatë, situata e krijuar nga zjarret në Bulqizë mbetet problematike. Aktualisht në këtë zonë janë aktive 3 vatra të mëdha, përkatësisht në malin e Temles, në Fushën e Lopës dhe malin e Bardhë.

Këto vatra janë shfaqur prej 10 ditësh dhe deri më tani nuk ka patur asnjë ndërhyrje, qoftë nga institucionet, ashtu dhe nga banorët e zonës. Deri tani janë përshkuar nga flakët qindra hektarë pyje me shkurre dhe dru lisi e ahu.

Nëse nuk do të ketë një ndërhyrje nga autoritetet flakët në malin e Temles, të cilat po i afrohen fshatit të Peladhisë, do të përbëjnë një rrezik serioz për banesat.

Comments

Ne i duam komentet
No Comments Yet! You can be first to comment this post!

Your data will be safe! Your e-mail address will not be published. Also other data will not be shared with third person. Required fields marked as *