Tragjike në Greqi, babai ther vajzën se dashuronte një shqiptar

Tragjike në Greqi, babai ther vajzën se dashuronte një shqiptar

Një tragjedi ka ndodhur brenda një familje greke, ku babai vrau me thikë vajzën e tij 18-vjeçare.
Ngjarja e rëndë ka ndodhur në lagjen “Petroupoli” në Athinë, në fund të gushtit, ndërsa 18-vjeçarja greke ndërroi jetë në spital javën e parë të shtatorit.

Mediat greke shkruajnë se shkak është bërë lidhja që vajza e quajtur Irini kishte me një djalë shqiptar. Mamaja e adoleshentes ka folur për herë të parë pas tragjedisë, duke shpjeguar shkaqet e kësaj ngjarjeje.

21192802-1822130284471367-2725834276815673033-n_1505320247-6746619

Në një intervistë dy ditë më parë në televizionin grek “Star”, Roza thotë se bashkëshorti i saj ishte një njeri i vështirë. Ajo shpjegon se në kohën kur ndodhi ngjarja, kishte shkuar në Korfuz me djalin 13-vjeçar, ndërsa në Athinë kishte lënë vajzën dhe burrin.

Gruaja zbulon se bashkëshorti i saj vuan nga disa probleme psikologjike, ndërsa thotë se në të kaluarën nuk ka qenë kështu.

mamaja-e-vajzes_1505320267-2715131

“Gjithçka ndryshoi kur mësoi se i dashuri i vajzës sonë ishte shqiptar”

“Gjërat ndryshuan disi kur vajza jonë nisi një lidhje. Kur kishte shkuar një ditë tek gjyshja, aty babai mësoi se i dashuri i saj ishte shqiptar dhe gjithçka ndryshoi”, thotë mamaja e 18-vjeçares.

Javën e fundit të gushtit, kur në shtëpi ndodheshin vetëm Irini dhe babai, të dy debatuan ashpër. Në një moment, 55-vjeçari mori thikën dhe goditi të bijën 18-vjeçare dhe më pas tentoi ta digjte të gjallë, duke i vendosur zjarrin shtëpisë.

21151465-1821145967903132-2384579543505548304-n_1505320256-4262973

Në vendngjarje mbërriti policia dhe forcat e zjarrfikësve. Adoleshentja u dërgua në spital në gjendje të rëndë, por fatkeqësisht ndërroi jetë pas 5 ditësh.

Mamaja e 18 – vjeçares pranon gjithashtu gjatë intervistës, se ka qenë i dashuri i saj shqiptar, personi i parë i cili e njoftoi për tragjedinë që kishte ndodhur brenda familjes.

Vetë adoleshenti shqiptar nuk e ka fshehur dëshpërimin për humbjen e vajzës që dashuronte.

“Rrugë të mbarë engjëlli im, ike dhe le pas burrin që të do shumë….dhe do të të pres. Gruaja ime e bukur, shpirti im. Princesha ime që më ndriçon jetën. Vdiqe ti, vdiqa dhe unë, gjysma jote. Të dua dhe do të të dua gjithmonë, rrugë të mbarë engjëlli im, që Zoti të mori aty lart për t’u kujdesur”.

Zgjohu engjëlli im dhe të largohemi bashkë prej këtej… zgjohu të ikim bashkë, po nuk u larguam bashkë nuk iki as unë! Zgjohu princesha ime”.

Këto janë disa prej postimeve në Facebook të shqiptarit, i cili nuk donte ta besonte se e dashura ishte vrarë nga babai i saj.

Ndërkohë, 55-vjeçari përballet me akuzat për vrasje dhe zjarrvënie të qëllimshme. /tvklan.al

Share this...
Share on FacebookTweet about this on TwitterShare on Google+Share on LinkedInPin on PinterestShare on TumblrEmail this to someone

Comments

Ne i duam komentet
No Comments Yet! You can be first to comment this post!

Your data will be safe! Your e-mail address will not be published. Also other data will not be shared with third person. Required fields marked as *