Besnik Mustafaj: Prokuroria nuk ka kryer detyrimet kushtetuese, Rama s’ka vullnet

Besnik Mustafaj: Prokuroria nuk ka kryer detyrimet kushtetuese, Rama s’ka vullnet

Prokuroria nuk ka kryer detyrën Kushtetuese, ndërsa Kryeministri Edi rama nuk ka pasur vullnet për të dëgjuar dhe reaguar ndaj denoncimeve. Kështu e komentoi situatën më të fundit ish-ministri i Jashtëm, Besnik Mustafaj, i cili foli për përfshirjen e zyrtarëve në trafikun e drogës dhe dekonspirimin e operacionit për kapjen e tyre.

Në studion e News24, Mustafaj theksoi se akuzat rreth implikimit të drejtpërdrejtë dhe menaxhimit të drogës për disa zyrtarë janë bërë nga mediat dhe opozita në 3 vitet e kaluara.

“Në pranverë ka pasur akuza të shumta, por këto janë konsideruar nga Rama si çështje të zhargonit të tij. Problemi i parë i Ramës është mungesa e vullnetit për të dëgjuar denoncimet qoftë nga opozita dhe media. Ne kemi tashmë një vënie në lëvizje të policisë dhe drejtësisë. Pra Prokuroria nuk ka kryer detyrën e vet kushtetuese deri tani. Nuk ka pasur bashkëpunim mes policisë dhe prokurorisë, pasi kjo e fundit nuk ka marrë për bazë denoncimet. Nuk është ndonjë çudi që ish- zyrtarët u zhduken, pasi mund të kenë pasur hapësira. Policia duhet ti mbante nën vëzhgim 3 ish- zyrtarët”, tha Mustafaj.

Sipas tij, me rëndësi është që ka nisur hetimi për këta 3 ish zyrtarë, ndërsa opozita duhet lavdëruar për denoncimet.

“Opozita duhet lavdëruar, por duhet të ruajë këndin e denoncimeve dhe nuk duhet të intereferojë me punën e Prokurorisë. Opozita ka plot çështje të tjera për të denoncuar. Për mua është e rëndësishme që nisi ky hetim për 3 ish zyrtarët”, theksoi Mustafaj.

Share this...
Share on FacebookTweet about this on TwitterShare on Google+Share on LinkedInPin on PinterestShare on TumblrEmail this to someone