Polici që grabiti taksistin kërkon ndjesë në gjyq

Eduart Budini, autori i grabitjes së taksistit nën kërcënimin e armës, ka pranuar fajësinë dhe është shfaqur i penduar para gjykatës. Budini, pjesëtar i Forcave të Ndërhyrjes së Shpejtë të Fierit doli në seancë gjyqësore këtë të shtunë për caktimin e masës së sigurisë.

“Jam penduar dhe doja t’i kërkoja falje taksistit, por nuk e gjeta”, ka thënë ai para gjykatës.
Në seancë u bë publik edhe emri i taksistit të grabitur. Ai quhet Halim Hoxha, i cili menjëherë pas ngjarjes dorëzoi në polici pamjet filmike të regjistruara nga kamera e vendosur në automjet.

Prokuroria ka kërkuar masën e sigurisë “arrest me burg” për Eduard Budinin, ndërsa pala mbrojtëse ekspertim mjeko-ligjor për të verifikuar përgjegjshmërinë e të akuzuarit. Në fund, gjykata pranoi kërkesën e akuzës duke vendosur “arrest me burg” për ish-efektivin e FNSH-së.

Comments

Ne i duam komentet
No Comments Yet! You can be first to comment this post!

Your data will be safe! Your e-mail address will not be published. Also other data will not be shared with third person. Required fields marked as *