Kujdes kur bëni këto veprime jashtë shtetit, mund t’ju kushtojnë

Ato që kanë ndërment të kalojnë pushimet jashtë shtetit, para se të nisen duhet të lexojnë këtë artikull.

Shumë turistë zgjedhin të informohen më përpara, për vendin ku do të pushojnë dhe traditat e tij. Por, kush nuk i bën kërkimet në kohë, mund të bjerë prè e gafave kulturore nga më të ndryshmet, apo të gjendet edhe përballë problemeve me ligjin, që mund të burojnë nga një gjest i thjeshtë i dorës, ose porositja e një pijeje alkoolike.

Janë disa, gabimet e bëra prej pushuesve, ndonëse në vendet e tyre të lindjes, veprimet në fjalë mund të jenë plotësisht të pranueshme. Në Britani nuk bën dot shenjën e fitores “V”, përveçse kur pëllëmba është e kthyer për jashtë.

Një pëllëmbë me këtë shenjë, që sheh për nga fytyra, në Britani, Irlandë, Australi dhe Zelandën e Re cilësohet fyese. Në Angli nuk duhet të ngacmosh gjithashtu rojet e Mbretëreshës. Ata janë ushtarë me uniformë, nuk janë aty për zbukurim.

T’u prekësh kokën tajlandezëve është si t’i ftosh në sherr: koka është pjesa më e lartë e trupit, e për pasojë, edhe më e respektuara. Shenja e rrumbullakët e “OK”-it në Brazil mund t’iu sjellë pasoja të padëshiruara, sepse konsiderohet ofendim i rëndë.

Koktejin popullor “autobomba irlandeze” mund ta porosni pa probleme në Amerikë, ama në Irlande nuk do ta kërkoni me këtë emër. Kamerierit do t’i thoni: më sill një gjysmë për gjysmë. Në Lindjen e Mesme, ndërkohë, thjesht për ta ditur, nuk e marrin për mirë kur dikush tregon shputën e këmbës, apo pjesën e poshtme të këpucës.

Comments

Ne i duam komentet
No Comments Yet! You can be first to comment this post!

Your data will be safe! Your e-mail address will not be published. Also other data will not be shared with third person. Required fields marked as *