<!--:al-->Gëzuar “1 Qershorin”, një ditë e veçantë vetëm për fëmijët<!--:--><!--:en-->“Happy 1 June”, a special day only for children<!--:-->

<!--:al-->Gëzuar “1 Qershorin”, një ditë e veçantë vetëm për fëmijët<!--:--><!--:en-->“Happy 1 June”, a special day only for children<!--:-->

E gjithë bota rrotullohet rreth tyre. Por si për të gjithë, edhe për fëmijët është e nevojshme një ditë në vit të kujtohemi se sa të rëndësishëm janë në jetët tona. Gëzuar të dashur “1 Qershorin”! Është dita juaj, festa ndërkombëtare e fëmijëve kudo në botë. Gëzuar ju që keni me se të festoni dhe ju që nuk keni, me urimin që një ditë do të jeta do të tregohet më e mirë për ju! Aktivitetet janë një mënyrë për të festuar së bashku. Për fëmijët e kryeqytetit, sot Qendra Kombëtare e Kulturës për Fëmijë organizon festivalin e këngës për fëmijë, i cili këtë vit shënon edhe edicionin e 50-të të tij. Aktiviteti do të jetë një përmbledhje e 50 viteve të marra së bashku. Ai do të jetë i veshur me elemente tradicionale, këngë dhe numra koreografikë, kushtuar në mënyrë specifike 50-vjetorit të tij. “1 Qershori”, veç festës është edhe një ditë sensibilizimi për të ndalur dhunën dhe abuzimin me fëmijët, sidomos angazhimin e tyre në punë kur janë ende të mitur. Shumë fëmijë ende shfrytëzohen nëpër rrugët e Tiranës për të lypur, në një kohë që duhet të ishin nëpër bankat e shkollave. Organizata të ndryshme, që veprojnë në Shqipëri në mbrojtje të të drejtave të fëmijëve, kanë ngritur vazhdimisht shqetësimin ndaj fatit të këtyre fëmijëve që lypin, vjedhin apo shesin trupin e tyre. Në kuadër të kësaj dite, në mbarë vendin organizohen aktivitete të shumta nga kopshtet dhe shkollat për të argëtuar dhe lumturuar fëmijët në ditën e tyre. Dita e fëmijëve është vendosur më datën 1 qershor, sepse me këtë datë është mbajtur konferenca botërore e mirëqenies së fëmijëve në Gjenevë në vitin 1925. Festa e fëmijëve e ka origjinën nga Shtetet e Bashkuara dhe në Kinë, por nuk ka të bëjë me komunizmin. Në vitin 1925 konsulli i përgjithshëm kinez në San Francisko mblodhi së bashku një numër të konsiderueshëm fëmijësh jetimë kinezë të festonin në festivalin e “Anijes së Dragoit”.

Comments

Ne i duam komentet
No Comments Yet! You can be first to comment this post!

Your data will be safe! Your e-mail address will not be published. Also other data will not be shared with third person. Required fields marked as *